للشاعرة السورية / ترياق محمد
يا أمي من طلعة الصبح هاتي مسك
وبخور وعطريني
أنا بنتك ميرفت أنا بنتك الشهيدة
أنا اللي متت بداريا بقنصة إيد غريبة
حققت حلمك ورفعت راسك
مو كانت وصيتك بيوم ياميرفت لاتذليني
سمعتي صارت بين الخلق
بيتغنوا فيني وبيتباركوا لما باسمي تناديني
امسكي تراب ورشي عالقبر اشتقت لضمة من إيدك الحنونة
دموع لاتبكي وتوجهي على مكة
وكم دعوة ادعيلي
رضاك ياأمي كان مرضاتي
وبعد مماتي معقول من دعواتك تنسيني
أنا بالجنة لكن حضنك كان أحلى جنة لما تلمسي شعري وبإيدك تغطيني
راح الدلال وضاع الحنان ومابقا تشوفي غير جثتي وكم حجر على جبيني
تراب الوطن طيب جرحي ولولاه
ياأمي كان بدموعك دبحتيني
مابقا تبكي قومي وبزغرودة
سمعي الجيران وفيها ودعيني.